ᠰᠢᠯᠢᠨ ᠠᠵᠢᠯᠯᠠᠭ᠎ᠠ᠄ ᠨᠡᠶᠢᠰᠯᠡᠯ ᠊ᠳᠦ ᠒᠐ ᠵᠢᠯ ᠤᠨ ᠲᠤᠷᠰᠢᠳᠠ ᠭᠠᠵᠠᠷ ᠣᠯᠭᠤᠭᠰᠠᠨ ᠪᠠᠷᠢᠮᠲᠠ ᠊ᠢᠢ ᠳᠡᠯᠭᠡᠪᠡ


ᠨᠡᠶᠢᠰᠯᠡᠯ ᠤᠨ ᠵᠠᠰᠠᠭ ᠳᠠᠷᠤᠭ᠎ᠠ ᠨᠠᠷ ᠬᠡᠨ ᠊ᠳᠦ᠂ ᠬᠡᠵᠢᠶ᠎ᠡ᠂ ᠬᠠᠮᠢᠭ᠎ᠠ᠂ ᠬᠡᠷᠬᠢᠨ ᠶᠠᠵ᠂ ᠶᠠᠮᠠᠷ ᠬᠡᠮᠵᠢᠶ᠎ᠡ᠂ ᠵᠣᠷᠢᠭᠤᠯᠤᠯᠲᠠ ᠪᠠᠷ ᠬᠡᠷᠬᠢᠨ ᠭᠠᠵᠠᠷ ᠣᠯᠭᠤᠭᠰᠠᠨ ᠲᠠᠯᠠᠭᠠᠷᠬᠢ ᠒᠐ ᠵᠢᠯ ᠤᠨ /᠒᠐᠐᠐.᠐᠑.᠐᠑-᠒᠐᠒᠐.᠑᠒.᠓᠑/ ᠲᠡᠦᠬᠡ ᠪᠠᠷᠢᠮᠲᠠ shilen.gov.mn ᠰᠠᠶᠢᠲᠤ ᠊ᠳᠤ ᠢᠯᠡ ᠲᠣᠳᠣ ᠪᠣᠯᠤᠯ᠎ᠠ᠃

ᠨᠡᠶᠢᠰᠯᠡᠯ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠊ᠢᠢᠨ ᠵᠠᠰᠠᠭ ᠳᠠᠷᠤᠭ᠎ᠠ ᠊ᠢᠢᠨ ᠵᠠᠬᠢᠷᠤᠮᠵᠢ ᠪᠠᠷ ᠠᠰᠢᠭᠯᠠᠬᠤ᠂ ᠡᠵᠡᠮᠰᠢᠬᠦ ᠡᠷᠬᠡ ᠣᠯᠭᠤᠭᠰᠠᠨ ᠑᠘᠔᠓᠙ ᠢᠷᠭᠡᠨ ᠪᠣᠯᠤᠨ ᠬᠠᠤᠯᠢ ᠊ᠢᠢᠨ ᠡᠲᠡᠭᠡᠳ ᠲᠡᠢ ᠬᠣᠯᠪᠣᠭᠳᠠᠬᠤ

📈ᠭᠠᠵᠠᠷ ᠡᠵᠡᠮᠰᠢᠬᠦ᠂ ᠠᠰᠢᠭᠯᠠᠬᠤ ᠡᠷᠬᠡ ᠣᠯᠭᠤᠭᠰᠠᠨ ᠑᠔᠘᠗᠖᠂

📈ᠡᠷᠬᠡ ᠊ᠢᠢᠨ ᠭᠡᠷᠡᠴᠢᠯᠡᠭᠡᠨ ᠊ᠤ ᠲᠠᠯᠠᠪᠠᠢ᠂ ᠵᠣᠷᠢᠭᠤᠯᠤᠯᠲᠠ ᠥᠭᠡᠷᠡᠴᠢᠯᠡᠭᠰᠡᠨ ᠖᠒᠙᠑᠂

📈ᠡᠷᠬᠡ ᠊ᠢᠢᠨ ᠭᠡᠷᠡᠴᠢᠯᠡᠭᠡ ᠰᠢᠯᠵᠢᠭᠦᠯᠦᠭᠰᠡᠨ ᠘᠔᠘᠒᠂

📈ᠡᠷᠬᠡ ᠊ᠢᠢᠨ ᠭᠡᠷᠡᠴᠢᠯᠡᠭᠡᠨ ᠊ᠤ ᠬᠤᠭᠤᠴᠠᠭ᠎ᠠ ᠰᠤᠩᠭᠠᠭᠰᠠᠨ ᠗᠑᠓᠔ ᠮᠥᠷ ᠨᠡᠶᠢᠲᠡ ᠓᠖᠗᠘᠓ ᠮᠡᠳᠡᠭᠡᠯᠡᠯ ᠨᠡᠭᠡᠭᠡᠯᠲᠡ ᠲᠡᠢ ᠢᠯᠡ ᠲᠣᠳᠣ ᠪᠠᠶᠢᠷᠢᠰᠢᠭᠤᠯᠪᠠ᠃

ᠬᠡᠨ ᠊ᠳᠦ᠂ ᠶᠠᠮᠠᠷ ᠵᠣᠷᠢᠭᠤᠯᠤᠯᠲᠠ ᠪᠠᠷ ᠠᠯᠢ ᠪᠠᠶᠢᠷᠢᠰᠢᠯ ᠊ᠳᠤ ᠬᠡᠳᠦᠨ ᠮ.ᠺᠦᠸᠠᠳ᠋ ᠭᠠᠵᠠᠷ ᠣᠯᠭᠤᠭᠰᠠᠨ᠂ ᠡᠵᠡᠮᠰᠢᠬᠦ᠂ ᠠᠰᠢᠭᠯᠠᠬᠤ ᠡᠷᠬᠡ ᠰᠤᠩᠭᠠᠭᠰᠠᠨ᠂ ᠰᠢᠯᠵᠢᠭᠦᠯᠦᠭᠰᠡᠨ᠂ ᠥᠭᠡᠷᠡᠴᠢᠯᠡᠭᠰᠡᠨ ᠮᠡᠳᠡᠭᠡᠯᠡᠯ ᠢ ᠣᠨ ᠴᠠᠭ ᠤᠨ ᠳᠠᠷᠠᠭᠠᠯᠠᠯ ᠲᠠᠢ ᠨᠢ ᠪᠠᠶᠢᠷᠢᠰᠢᠭᠤᠯᠤᠭᠰᠠᠨ᠃ ᠲᠠ ᠭᠠᠵᠠᠷ ᠡᠵᠡᠮᠰᠢᠭᠴᠢ᠂ ᠠᠰᠢᠭᠯᠠᠬᠤ ᠡᠷᠬᠡ ᠪᠦᠬᠦᠢ ᠬᠠᠤᠯᠢ ᠊ᠢᠢᠨ ᠡᠲᠡᠭᠡᠳ ᠦᠨ ᠨᠡᠷ᠎ᠡ᠂ ᠨᠢᠭᠡᠴᠡ ᠲᠠᠯᠠᠪᠤᠷ ᠤᠨ ᠳ᠋ᠤᠭᠠᠷ᠂ ᠬᠡᠮᠵᠢᠶ᠎ᠡ᠂ ᠲᠥᠯᠥᠪᠦᠷᠢ ᠲᠥᠯᠦᠯᠲᠡ᠂ ᠬᠤᠭᠤᠴᠠᠭ᠎ᠠ ᠪᠠᠷ ᠨᠢ ᠬᠠᠶᠢᠯᠲᠠ ᠬᠢᠬᠦ ᠪᠣᠯᠤᠮᠵᠢ ᠲᠠᠢ᠃

ᠨᠡᠶᠢᠰᠯᠡᠯ ᠤᠨ ᠵᠠᠰᠠᠭ ᠳᠠᠷᠤᠭ᠎ᠠ ᠊ᠢᠢᠨ ᠒᠐᠒᠑ ᠣᠨ ᠊ᠤ ᠡᠬᠢᠨ ᠊ᠤ ᠡᠳᠦᠷ ᠡᠴᠡ ᠥᠨᠥᠳᠥᠷ ᠬᠦᠷᠲᠡᠯᠡᠬᠢ ᠬᠤᠭᠤᠴᠠᠭᠠᠨ ᠊ᠳᠤ ᠭᠠᠵᠠᠷ ᠣᠯᠭᠤᠭᠰᠠᠨ ᠮᠡᠳᠡᠭᠡᠯᠡᠯ ᠢ ᠣᠶᠢᠷ᠎ᠠ ᠊ᠢᠢᠨ ᠡᠳᠦᠷ ᠦᠳ ᠊ᠳᠦ ᠢᠯᠡ ᠲᠣᠳᠣ ᠪᠣᠯᠭᠠᠬᠤ ᠪᠠᠷ ᠠᠵᠢᠯᠯᠠᠵᠤ ᠪᠠᠶᠢᠨ᠎ᠠ᠃ ᠡᠭᠦᠨ ᠊ᠤ ᠵᠡᠷᠭᠡᠴᠡᠭᠡ ᠒᠑ ᠠᠶᠢᠮᠠᠭ᠂ ᠙ ᠳᠡᠭᠦᠷᠭᠡ ᠊ᠢᠢᠨ ᠵᠠᠰᠠᠭ ᠳᠠᠷᠤᠭ᠎ᠠ ᠨᠠᠷ ᠤᠨ ᠭᠠᠵᠠᠷ ᠣᠯᠭᠤᠭᠰᠠᠨ ᠵᠠᠬᠢᠷᠤᠮᠵᠢ ᠶᠢ ᠣᠨ ᠴᠠᠭ ᠤᠨ ᠳᠠᠷᠠᠭᠠᠯᠠᠯ ᠊ᠢᠢᠠᠷ ᠨᠢ ᠭᠠᠷᠭᠠᠭᠰᠠᠨ ᠮᠡᠳᠡᠭᠡᠯᠡᠯ ᠢ ᠨᠡᠭᠡᠭᠡᠯᠲᠡ ᠲᠡᠢ ᠪᠣᠯᠭᠠᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠪᠠᠶᠢᠭ᠎ᠠ ᠶᠤᠮ᠃

ᠨᠡᠶᠢᠲᠡᠯᠡᠭᠰᠡᠨ᠄